1. Home
  2. Read
  3. Byzantine NT

Philemon 1

Paul’s Plea for Onesimus

8Διὸ πολλὴν ἐν χριστῷ παρρησιαν ἔχων ἐπιτάσσειν σοι τὸ ἀνῆκον, 9διὰ τὴν ἀγάπην μᾶλλον παρακαλῶ, τοιοῦτος ὢν ὡς Παῦλος πρεσβυτης, νυνὶ δὲ καὶ δεσμιος Ἰησοῦ χριστοῦ. 10Παρακαλῶ σε περὶ τοῦ ἐμοῦ τεκνου, ὃν ἐγέννησα ἐν τοῖς δεσμοῖς μου, Ὀνήσιμον, 11τον ποτε σοι ἄχρηστον, νυνὶ δὲ σοὶ καὶ ἐμοὶ εὔχρηστον, ὃν ἀνέπεμψα: 12σὺ δὲ αὐτόν, τοῦτ᾽ ἔστιν τὰ ἐμὰ σπλαγχνα, προσλαβοῦ: 13ὃν ἐγὼ ἐβουλόμην πρὸς ἐμαυτὸν κατεχειν, ἵνα ὑπὲρ σοῦ διακονῇ μοι ἐν τοῖς δεσμοῖς τοῦ εὐαγγελίου: 14χωρὶς δὲ τῆς σῆς γνωμης οὐδὲν ἠθέλησα ποιῆσαι, ἵνα μὴ ὡς κατὰ ἀνάγκην τὸ ἀγαθόν σου , ἀλλὰ κατὰ ἑκούσιον. 15Τάχα γὰρ διὰ τοῦτο ἐχωρίσθη πρὸς ὥραν, ἵνα αἰώνιον αὐτὸν ἀπέχῃς: 16οὐκέτι ὡς δοῦλον, ἀλλ᾽ ὑπὲρ δοῦλον, ἀδελφὸν ἀγαπητόν, μαλιστα ἐμοί, πόσῳ δὲ μᾶλλον σοὶ καὶ ἐν σαρκὶ καὶ ἐν κυρίῳ. 17Εἰ οὖν με ἔχεις κοινωνον, προσλαβοῦ αὐτὸν ὡς ἐμέ. 18Εἰ δε τι ἠδίκησέν σε ὀφείλει, τοῦτο ἐμοὶ ἐλλόγει: 19ἐγὼ Παῦλος ἔγραψα τῇ ἐμῇ χειρι, ἐγὼ ἀποτίσω: ἵνα μὴ λεγω σοι ὅτι καὶ σεαυτον μοι προσοφειλεις. 20Ναί, ἀδελφέ, ἐγώ σου ὀναίμην ἐν κυρίῳ: ἀνάπαυσόν μου τὰ σπλαγχνα ἐν κυρίῳ. 21Πεποιθὼς τῇ ὑπακοῇ σου ἔγραψά σοι, εἰδὼς ὅτι καὶ ὑπὲρ λεγω ποιησεις. 22Ἅμα δὲ καὶ ἑτοίμαζέ μοι ξενιαν: ἐλπίζω γὰρ ὅτι διὰ τῶν προσευχῶν ὑμῶν χαρισθησομαι ὑμῖν.